Æрдзон зынгсирвæзтытæ хуыссын кæнынæн сæрмагонд техникæ фæфылдæр кодтой

Æрдзон зынгсирвæзтытæ хуыссын кæнынæн сæрмагонд техникæ фæфылдæр кодтой. «Экология» национ проекты фæлгæты, Цæгат Ирыстонмæ бафтыд сæрмагонд техникæйы 3 иуæджы. Уый тыххæй федералон бюджетæй рахай кодтой 13 милуан сомæй фылдæр, республикæйы бюджетæй та - 790 мин сомæй фылдæр. Национ проекты руаджы, 2 азмæ нæ республикæйы фæзынд 11 техникæйы иуæджы æмæ хъæд хъахъхъæнæн мадзæлттæн 4 кусæнгарзы. Æдæппæтæй сыл схадз кодтой 35 милуан сомæй фылдæр. Ног техникæйы тыххæй бæлвырддæр куы дзурæм, уæд «Аланиялес» куыстуатмæ бафтыд 2 автоцистернæйы, 2 бульдозеры, 3 бынатсгарæн хæдтулгæйы, ноджы ма трактор æмæ лыстæг кусæнгæрзтæ. Хъæды хæдзарады федералон агентады бæрæггæнæнтæм гæсгæ, æрдзон зынгсирвæзтытæ хуыссынгæнæн техникæйæн йæ фылдæр заууат уавæры ис. Афтæмæй та Цæгат Ирыстоны хъæды фæзуат 177 гектарæй фылдæр у, ома регионæн йæ фылдæр хай. Техникæ кæй ног кæнынц, уый ахаддзæн æнæнхъæлæджы цауты нымæцыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv