Уæрæсейы фыццаг хатт арæзт уыдзæн адæмы рафыст нымæцон хуызы

2021 азы Уæрæсейы фыццаг хатт арæзт уыдзæн адæмы рафыст нымæцон хуызы. Сæххæст æй кæндзысты мобилон операторты æххуысæй æмæ нымæцон технологитæй спайда кæнгæйæ. Мадзалмæ регионтæ цæттæ сты 80 % бæрц. Æдæмы æпæтуæрæсеон рафыст у нæ бæстæйы егъаудæр цаутæй иу. Йæ бæрæггæнæнты фæрцы æрмæст стратегион хатдзæгтæ не скæндзысты, фæлæ ма сæ спайда кæндзысты экономикæйы æмæ социалон къабæзты. Адæмы рафыстмæ хи бафтауæн ис Паддзахадон лæггæдты сæрмагон сайты, кæнæ та хæдзармæ фæсидын Уæрæсейы статистикæйы федералон службæйы специалистмæ. Фæткмæ гæсгæ, хъуамæ уыдаид ацы аз октябры, фæлæ йæ æвзæр эпидемиологон уавæры тыххæй аргъæвтой иннæ азмæ. Рафысты мадзæлттæ дзуапп дæтдзысты æдасдзинады домæнтæн. Специалисттæ пайда кæндзысты сæрмагонд кусæнгæрзтæй. Алкæй бон дæр уыдзæн рафысты хыгъдмæ хи бафтауын интернеты тыгъдады фæрцы. Хъуыддагыл бахардз кæндзысты 31 млрд сомы, уыдонæй 14 ацæудзæн, æрфыст чи араза, уыдоны мыздыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv