Фæндаггон фыдбылызты амæттæгты нымæц Цæгат Ирыстоны 5 азмæ хъуамæ фæкъаддæр уа

Фæндаггон фыдбылызты амæттæгты нымæц Цæгат Ирыстоны 5 азмæ хъуамæ фæкъаддæр уа 3,5 хатты. Ахæм хæс йæ размæ сæвæрдта республикæйы хицауад. Уый къухы бафтдзæн нацпроекты мадзæлттæ æххæстгæнгæйæ. «Фæндаггон змæлды æдасдзинад»-ы проекты фæлгæты базилдзысты фистæгцæуæн ахизæнтæм æмæ сфетофортæм. Уымæй уæлдай, æмбæлгæ уагмæ æркæндзысты скъолатӕ æмæ ахуыргæнæндæтты цур ахизæнтæ, сæвæрдзысты æмæ сног кæндзысты рухсгæнæн цæджындзтæ. Афтæмæй фæндаггон цауты амæттæгты нымæц цæрджыты 100 минæй 4-æй фылдæр хъуамæ ма уа. Уый тыххæй фехъусын кодта фæндæгты хæдзарады сæрдар Солиты Тариель. 2024-æм азмæ фæндæгтыл æвæрд камерæты нымæц дыууæ хатты фæфылдæр уыдзæн. Уый руаджы фæндæгтыл æдасдзинады уавæр, специалистты ныхæстæм гæсгæ, фæхуыздæр уыдзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv