2 807 адæймаджы фæрынчын сты коронавирусæй Цæгат Ирыстоны

Цæгат Ирыстоны ноджы 4 адæймаджы амард коронавирусы аххосæй. Оперативон штабы бæрæггæнæнтæм гæсгæ цыппармæ дæр уыд рæуджыты низ. Æдæппæтæй covid-æй чи фæрынчын, уыдоны нымæц у 2 807. Ивгъуыд суткæмæ сыл бафтыд 52 адæймаджы. 1 624 коронавирусæй сдзæбæх сты. Уый тыххæй хъусын кæны нæ республикæйы фæлхасгæнджытæм цæстдарды управлени. Рынчынтӕн медицинон ӕгъдауӕй ӕххуыс кӕнынц дохтыртӕ. Лӕмбынӕг цӕстдард цӕуы, рынчынтӕ хӕстӕг кӕимӕ ӕмбӕлыдысты ӕмӕ ныхас кӕимӕ кодтой, уыдонмӕ дӕр. Æдæппæтæй covid -ы аххосæй республикæйы фæмард 41 адæймаджы. Фæсарæнтæй чи сыздæхт æмæ дохтыртæ кæмæ кæсынц, уыдоны нымæц у 1 241 адæймаджы. Карантины хыгъдæй ист адæмы нымæц та - 6 209 адæймаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv