Ассоциаци «Гидроэнергетика России»-йы минæвæрттæ бабæрæг кодтой Зæрæмæджы Гидроэлектростанцæ

Зæрæмæджы Гидроэлектростанцæйы руаджы республикæ йæхи электрон тыхæй æфсады 70% онг. Раздæр Цæгат Ирыстонмæ электрон тых хæццæ кодта æндæр регионтæй. Егъау энергетикон механизм куыд кусы, уый хи цæстæй фенынмæ ссыдысты ассоциаци «Гидроэнергетика России»-йы минæвæрттæ. Объектæй разыйæ баззадысты æви нæ, уый тыххæй нæ дарддæры æрмæг. Гидроэлектростанцæйæн ис дæргъвæтин истори. Уавæр аивта, 2006-ӕм азы объект «РусГидро»-йы бæрны куы баци, уæд. Цæгат Ирыстоны стырдæр, Цæгат Кавказы та æртыккаг бынат чи ахсы, уыцы ГЭС-ы куыстмæ лæмбынæг кæсы ассоциаци «Гидроэнергетика России». Хуымæтæджы нæ. Станцӕ куысы хӕдӕвзӕргӕ гуырӕнӕй – цӕугӕдоны энергийӕ, уымӕ гӕсгӕ йӕ нӕ бахъӕуы пайда кӕнын артаг судзыны технологийӕ. Уый руаджы ГЭС у сыгъдæг генерацийы хорз дæнцæг. Зæрæмæджы ГЭС-ы хъомысджын архайд у Цæгат Ирыстоны энергон къабазы фидар бындур. Ассоциаци «Гидроэнергетика России» иу кæны нæ бæстæйы тыхдæттæг энергон компанитæ. Йæ сæйраг хæстæй иу – æмгуыстады авналæнтæ фæуæрæхдæр кæнын æмæ кæрæдзийæн фæлтæрддзинадӕй хай кæнын. Æмбырды хатдзæгтæм гæсгæ снысан кодтой сæрмагонд къордтæ æмæ, энергетикæйы къабазы рæзтæн чи феххуыс уыдзæн, ахæм ног бакусинаг проекттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv