Сергей Меняйло бабæрæг кодта Дур-Дуры скъола

Абон республикæйы райдыдта ног ахуыры аз. Уый фæдыл скъоладзаутæн арфæ ракодта Сергей Меняйло. Регионы разамонæг бабæрæг кодта Дур-Дуры 2-æм скъола. Ахуыргæнæндон байгом рацарæзты фæстæ. Сног дзы кодтой кабинеттæ, хæрæндон, спортивон зал сифтонг кодтой нырыккон кусæнгæрзтæй. Специалисттæ баивтой бæстыхайы сæр æмæ коммуникацитæ. Абон йæ къæсæрæй бахызтысты 16 фыццагкъласоны. Бафтаудзыстæм ма уый, æмæ регионы разамонæджы номæй Цæгат Ирыстоны æппæт фыццагкъласонтæ райстой лæвæрттæ.