Цæгат Ирыстонмæ ссыд Федералон къазнайы разамонæджы хæдивæг Александр Демидов

Цæгат Ирыстон кусæг балцы бабæрæг кодта Федералон къазнайы разамонæджы хæдивæг Александр Демидов. Республикæйы хицауады сæрдары фыццаг хæдивæг Узегаты Аланимæ архайдта къазнайы кусджыты æмбырды. Дзырдтой профилон ведомствойы куысты сæйраг фарстатыл. Александр Демидов радзырдта системæйы куысты сæйраг хæстæ æмæ ногдзинæдты тыххæй. Йæ размæ дзырдта Сергей Меняйло паддзахадон контракттæ къазнайы цæстарды системæйы æххуысимæ æххæст кæныны тыххæй. Уыдон фылдæр хауынц, социалон ахадындзинад кæмæн ис æмæ финансон æгъдауæй тас кæмæн у, уыцы къабæзтæм. Фæнысан кодта уый, æмæ уыцы системæйы руаджы социалон-ахсджиаг паддзахадон æмæ муниципалон бадзырдты хæрзхъæддзинад кæй фæхуыздæр уыдзæн. Хицæнæй æрныхас кодтой Управленийы архайд æмæ йæ дарддæры рæзты фарстатыл. Александр Демидов ма æмбырды архайджытæн арфæ ракодта сæ профессионалон бæрæгбоны фæдыл. Ацы аз къазнайы цæгатирыстойнаг управленийыл сæххæст 27 азы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv