Æнæнхъæлæджы уавæры фæтк Æрыдоны районы систой

Æнæнхъæлæджы уавæры фæтк Æрыдоны районы систой. Рахизфарсы районы та тыхджын дымгæ æмæ тæрккъæвдаты фæстиуджытæ иуварс кæнынц абон дæр. Премьер Тускъаты Таймураз бæрнон кусджытимæ сарæзта видеоконференци. Хицауады сæрдар æмбырды архайджыты зæрдыл æрлæууын кодта Дзæуджыхъæуы 2-æм июны цы æнæнхъæлæджы цау æрцыд, уый тыххæй. Горæты уынгтæй иуы бæлас афæлдæхт æмæ 9-аздзыд сывæллон йæ быны фæци. Ныртæккæ ис уæззау уавæры тагъд æххуысы клиникон рынчындоны.  Æнæнхъæлæджы цауты управленийы кусджытæ цæттæ боныхъæды тæргæйттæм. Ныртæккæ кусынц бæрзонддæр цæттæдзинады фæткмæ гæсгæ. Электрон тыхы телтыл æмæ газуадзæн хæтæлтыл цы бæлæстæ æркалд уыдон ныссыгъдæг кодтой. Ныртæккæ дзы кусынц аварион службæты специалисттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv