2019 азæй фæстæмæ нæ бæстæйы æнтыстджынæй æххæст кæнынц проект «Мастера гостеприимства», зæгъгæ

2019 азæй фæстæмæ нæ бæстæйы æнтыстджынæй æххæст кæнынц проект «Мастера гостеприимства», зæгъгæ. Аразынц æй «Россия - страна возможностей» номимæ форумы фæлгæты. Конкурсы фыццаг сезон кæронмæ æрхæццæ октябры. Нæ бæстæйы 53 регионæй сæ курдиæттæ балæвæрттой 20 мин адæймагæй фылдæр. Нæ республикæйæ сæ тыхтæ бафæлвæрдтой 438 адæймаджы. Æдæппæттæй конкурсы финалмæ рацыдысты 186 архайæджы. 3 финалисты, се `хсæн иу уæлахиздзау. Туризмы райрæзтыл Цæгат Ирыстоны чи куыста, уыдон архайдтой конкурс «Мастера гостеприимства»-йы. Жюрийы уæнгты лæмбынæг бахъуыд акусын. Хуыздæры ном хæссыны аккаг чи у, уыдон бирæ уыдысты. Фæлæ Гасситы Михаилы проект банымадтой хуыздæрыл. Фæнд кæны туристтæн мобилон уæлæфтуан æмæ интернет-сайт саразын. Гасситы Михаил, конкурс «Мастера гостеприимства»-йы уæлахиздзау: «Бирæ бæстæты туризмы къабазы æнтыстджынæй пайда кæнынц «трекинг-маршрут», кæй хонынц, ахæмæй. Æз бакуыстон 40 балцвæдыл. Хицæн кæндзысты, куыд зындæр сæм уыдзæн бахæццæ уæвын, уымæ гæсгæ. Проекты фæрцы, Цæгат Ирыстоны хæххон бынæттæ базонын кæй бафæнда, уыдонæн фæпайда уыдзысты не `рхъуыдыгонд интернет-сайт æмæ мобилон уæлæфтуан». Конкурсы кæронбæттæн къæпхæнмæ чи бахæццæ, уыдоны `хсæн ис Сергей Селезнев дæр. Республикæйы туризмы рæзтыл ахадгæйæ кусы. Барæсугъд кодта 3 экологон фæндаджы. Бакуыста 40 экологон акцийы. Бархионтæн сарæзта 40 лагерæй фылдæр. Сергей Селезнев, конкурс «Мастера гостеприимства»-йы финалист: «Мæ проекты фæрцы мæ фæндыд экоцентр саразын. Йæ фæрцы цæрджытæн фадат уыдаид нæ республикæйы æрдзон хицæндзинæдтæ ахуыр кæнынæн. Йæ фæрцы экскурситы гæнæнтæ дæр уæрæхдæр кæндзысты. Ома, наукон куыст экскурсионимæ баиу кæнын». Æппæтуæрæсеон конкурс «Мастера Гостеприимства» райдыдта 2019 азы 13 ноябры. Йæ сæйрагдæр нысан - лæггад кæныны æууæлтæ æмæ туризмимæ баст къабæзты дæсныйæдты кад фæбæрзонддæр кæнын. Цæгат Ирыстоны туризмæн стыр авналæнтæ ис. Уæрæх æмæ сын стыр фæндаг акъæртт кæнын кæй хъæуы, ууыл дызæрдыг ничи кæны. Пелиты Сабинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv