Цæгат Ирыстоны дарддæр цæуы Æппæтуæрæсеон олимпиадæ скъолайы къæпхæны

Цæгат Ирыстоны дарддæр цæуы Æппæтуæрæсеон олимпиадæ скъолайы къæпхæны. Ахæсдзæн 29 октябрмæ. Сæ зонындзинæдтæ бафæлварыны фадат ис 4 къласæй 11 къласы онг ахуырдзаутӕн. Олимпиадæ арæзт у 4 къæпхæнæй: скъолайы, муниципалон, регионалон æмæ кæронбæттæн- федералон. Скъолайы къæпхæны архайджыты нымæц у иннæтæй фылдæр. Ахуыргæнæндæтты олимпиадæтæ цæуынц санитарон домæнтæ хынцгæйæ. Кæронбæттæн къæпхæны уæлахиздзаутæ æмæ призерты бон у паддзахадон æмæ муниципалон астæуккаг профессионалон æмæ уæлдæр ахуыргæнæндæттæм бацæуын æнæ фæлварæнтæй сæ олимпиадæйы профильмæ гæсгæ. Скъолайы æмæ муниципалон къæпхæнты хæслæвæрдтæ цæттæ кæнынц регионалон сæрмагонд къамисы уæнгтæ. Се 'хсæн сты уæлдæр ахуыргæнæндæттæ æмæ дæсныйады уæлдæр институты кусджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv