Дзæуджыхъæуы аивæдты колледжы ацыд VII-æм ансамбльтæн цæгъдыны фестиваль-конкурс

Йæ цард аивадимæ бабæттын кæй фæнды, уыдонæн ис фадат сæхи бафæлварын республикон ансамбльтæн цæгъдыны конкурс-фестивалы. Ныр арæзт цæуы 7-æм хатт. Сæ курдиатæн сын аргъ кæнынц, аивады сæ ном зынгонд кæмæн у, ахæм адæм. Се 'хсæн Гергиты Ларисæ. Мурасты Фаризæ музыкæйы сусæгдзинæдтæ ахуыр кæны йæ сабибонтæй. 5 азы йыл куы сæххæст, уæдæй фæстæмæ цæуы музыкалон скъоламæ. Йæ цард бабæттын æй фæнды аивадимæ. Ныр ууыл архайы 9 азы дæргъы. Ацы аз фæнд кæны йæ ахуыр адарддæр кæнын Гергиты Валерийы номыл аивæдты колледжы. Уый тыххæй хъавы йæхи бафæлварын ансамбльтæн цæгъдыны конкурс-фестивалы. Ацы аз дзы архайы фыццаг хатт. Фестиваль-конкурс ахуыр кæны ансамблы архайыныл. Йæ аразджыты ныхæстæм гæсгæ, æрыгон музыканттæн се ’æппæт солисттæ не свæййынц. Ам та ахуыр кæнынц цæгъдын зарæггæнæгæн æмæ æндæр музыкалон инструменттимæ иумæ дæр. Æрыгон музыкантты курдиат æмæ фæлтæрддзинадæн аргъ кæнынц, аивады сæ ном хъуыстгонд кæмæн у, ахæм адæм. Се ’хсæн Уæрæсейы Федерацийы, Украинæйы æмæ Цæгат Ирыстоны адæмон артисткæ Гергиты Ларисæ. Конкурсы жюрийæн сæрдариуæг кæны йæ райдианæй. Гергиты Ларисæ ма куыд фæнысан кодта, афтæмæй бирæтæ ам схъомыл сты йæ цæстыты раз. Ныртæккæ бирæ студенттæ ис аивадон колледжы, 6-7-аздзыдтæй кæй курдиатимæ базонгæ ис конкурсы, уыдонæй иу Будайты Роксоланæ. Ныр ыл цæуы 12 азы. Ацы æркасты архайы 3-аг хатт. Архайджыты ахуыргæнджытæ куыд зæгъынц, афтæмæй иунæгæй цæгъдын æнцондæр у. Ам та 2, 3, 4 музыканты бахъæуы æмгуыст кæнын, кæрæдзимæ хъусын. Уыдон дæр абон сты залы. Ансамбльты цæгъдыны конкурс-фестиваль арæзт æрцыд ныр 7-æм хатт, цæмæй æрыгон музыканттæ аивады фæндагыл фидар къахдзæфтæ кæнын райдайой. Æмæ, чи зоны, цалдæр азы фæстæ сæ нæмттæ бацахсой бынат дунейы хуыздæр музыкантты хыгъды. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv