Къостайы номыл цыртдзæвæн фæстæмæ йæ бынат ссардта Сабырдзинады проспекты

Æмæ ма аивады темæмæ бар чи дары, уыцы хабар. Къостайы номыл цыртдзæвæн фæстæмæ йæ бынат ссардта Сабырдзинады проспекты. Ацы хъуыддаг æрæджы дæр ма дзырддаг уыдис адæмы `хсæн. Иутæ хæцыдысты скульптурæ парчы ныууадзыны хъуыдыйы фарс, иннæты фæндыд, цæмæй йæ фæстæмæ проспектмæ рахæссой. Ныр хъуамæ ныхмæлæуддзинад æрсæтта. Монумент бацахста йæ кæронбæттæн бынат. Уæ зæрдыл уын æрлæууын кæндзыстæм, æмæ Хетæгкаты Къостайы цыртдзæвæн бирæ азты адæмы цæст рæвдыдта проспекты. Цалдæр мæйы размæ йæ сæвæрдтой йе `мном парчы, цалынмæ Дзæуджыхъæуы сæйраг уынджы цалцæггæнæн куыстытæ цыдысты, уæдмæ, ома. Дзырдæн зæгъæм, скульптурæйы автор Соскъиты Владимиры фæндон дæр ахæм уыд - цыртдзæвæн хъуамæ уа Сабырдзинады проспекты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv