Вице премьер Азымты Иринæйы разамындæй ацыд Уæлахизы бонмæ цæттæгæнæн комитеты æмбырд

Уæлахизы Парад ацы аз арæзт цæудзæн COVID-имæ баст æппæт профилактикон мадзæлттæ æххæстгæнгæйæ. Уый сбæрæг республикон цæттæгæнæн комитет «Победа»-йы радон æмбырды. Амыдта йæ вице-премьер Азымты Иринæ. Видеоконференцийы руаджы ныхас кодтой Фыдыбæстæйы стыр хæсты Уæлахизы бон сбæрæг кæныныл. Азымты Иринæ куыд загъта, афтæмæй æппæт санитарон домæнтæ сæххæст кæнын хъæуы. Фыццаг хæс у - ветеранты æнæниздзинад бахъахъхъæнын. Уымæ гæсгæ парад аразджытæм, стæй йæ архайджытæм хъуамæ уа медицинон сыф, æнæниз кæй у, уый тыххæй. Зæгъын ма хъæуы уый, æмæ къамисы уæнгтæ æркастысты акци «Æнæмæлгæ полк» куыд арæзт цæудзæн, уымæ, Уæлахизы республикон урок скъолаты ветеранты архайдимæ, стæй æндæр цæттæгæнæн хъуыддæгтæм. Иу ахсджиаг фарста та ма уый у, æмæ мадзæлтты пъланмæ кæй хъæуы бахæссын æфсæддон ингæнтæ цалцæггæнæн куыстытæ. Æххæстгонд цæудзысты сæрмагонд федералон программæ гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv