Цæгат Ирыстоны бирæфатерон хæдзæртты лæвар баивдзысты 100 лифты

Лифтытимæ баст зындзинæдтæ горæты цæрджытæй бирæтæн сты зонгæ. Æдасæй дзы спайда кæнæн цы бирæуæладзыгон хæдзæртты нæй, ахæмтæ бирæ сты. Сæ уавæр хуыздæртæй нæу. Æрæджы Цæгат Ирыстонæй рацæуæг Дзиуаты Алыксандр фехъусын кодта æхсызгон хабар. Йæ хъæппæрисæй Дзæуджыхъæуы баивдзысты 100 лифты. Дзæуджыхъæуы Московская шосайыл бирæуæладзыгон хæдзæртты ис 130 фатеры. Самадтой сæ 10 азы размæ. Уæд дзы райдыдтой аразын лифттæ дæр. Фæлæ дзы абонмæ дæр ис æрмæст шахтæтæ. Алы уæладзыгыл дæр сты гипсокартонæй æхгæд цæрджытæн сæхи хъарутæй. Уæддæр сывæллæттæн ам æдас нæу. Хæдзар у авдуæладзыгон, уый та у 20 метры бæрзæндæй фылдæр. Уæдæ ацæргæ адæм дæр ам бирæ ис. Зæгъæм, Къубалты Валерий 7 азы дæргъы 6-æм уæладзыгмæ схизы къахæй. Куыд зæгъы, афтæмæй йæ уæлæмæ схизгæйæ уæлдай хатт фатерæй рацæуын дæр нал фæфæнды. Доваторы уынджы ацы хæдзары та лифт ис. Фæлæ уымæй сæ уавæр Московская сосайы цæрджытæй бирæ æдасдæр нæу. Хæдзар самадтой 28 азы размæ. Цы лифт дзы сæвæрдтой, уый ног нæ уыд. Цæрджытæ йæм сæхи тыхтæй зилынц. Скодтой йын экспертиза дæр. Специалистты ныхæстæм гæсгæ, дзы пайда кæнын у адæмæн тæссаг. Цæрджытæ уый сæхиуыл дæр банкъардтой. Ныр цæрджыты риссаг фарста лыггонд æрцæудзæн. Республикæйы бирæфатерон хæдзæртты раивдзысты 100 лифты. Ахæм хъæппæрис разынд Хъæрæсейы механикон заводы хицау Дзиуаты Алыксандрмæ. Уыцы хъуыддаг Цæгат Ирыстонæй рацæуæг фехъусын кодта Сергей Меняйлоимæ фембæлды рæстæг. Уæд уайтагъд бацæттæ кодтой, лифттæ цауддæр цы хæдзæртты сты, уыдоны номхыгъд. Номхгъдмæ цы хæдзæрттæ бахастой, уыдон бабæрæг кодтой специалисттæ. Алы лифты уавæр дæр сбæлвырд кодтой. Ныртæккæ кусынц хицауадимæ бадзырд бафыссыныл. Дзæдзойты Фатимæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv