Дзæуджыхъæуы 1-аг поликлиникæйы фæзынд компьютерон томограф

Медицинон иртæстытæ ацæуын тагъд æмæ æнæ рады лæугæйæ. Дзæуджыхъæуы 1-аг поликлиникæйы фæзынд компьютерон томограф. Фæстаг фæлтæры аппарат дзуапп дæтты æппæт нырыккон домæнтæн. Иртæстытæ ацæуыны фадат ис Дзæуджыхъæуы æмæ районты цæрджытæн. Фылдæр хабæрттæ нæ дарддæры æрмæджы. Дзæуджыхъæуы фыццæгæм поликлиникæйы бындурыл амбулаторон кт-центр ныридæгæн кусы къуыри. Уыцы æмгъуыдмæ иртæстытæ ацыдысты дæсгай адæймаджы. ацы тамогроф респубоикæйы у фыццаг, амбулаторон службæйы бæрны кæцы баци. Ам исынц коронавирус кæмæ сбæрæг, уыцы пациентты. Ног компьютерон томограф хъуыд рæуджыты æндæр низтæ раиртасынæн дæр. Ног компьютерон томограф самал кодтой республикæйы бюджеты хардзæй. Ацы аппарат дзуапп дæтты æппæты нырыккондæр домæнтæн. Калоты Алинæ, Дзæуджыхъæуы 1-æм поликлиникæйы сæйраг дохтыры хæдивæг: «Дохтырмæ бацæуыны гæххæттытæ райсынц, кæм цæрынц уыцы бынаты. Дзæуджыхъæуы фыццæгæм поликлиникæйы бындурыл иртæстытæ ацæуын сæ бон у горæты æмæ республикæйы æртæ районы цæрджытæ. Горæтгæроны, Алагиры æмæ Æрыдоны районтæ. Сæрмагонд фæтк ныридæгæн нысангонд у. Программæ Барсмæ гæсгæ дохтырæн фадат ис пациенты КТ-иртæстытæм ныффысын. Æрмæст сæрмагонд фæткмæ гæсгæ». Центры специалисттæ куыд бафиппайдтой, афтæмæй пациентты исынц тагъд. Компьютерон томографимæ рады лæууын нæ бахъæуы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv