ФСХ зындгонд советон æфсæддон разамонджыты тыххæй 4-æм чиныджы презентаци ацыд Дзæуджыхъæуы

Йæ цард Фыдыбæстæйы Стыр хæсты цæхæры сабырдзинадæн чи не`вгъау кодта, уыдоны тыххæй æрмæджытæ, къамтæ, хиуæттæ æмӕ æмбæлтты мысингтæ - иуылдæр аив рæнхъытæй фыст сты чиныг «Имена Победы»-йы. Йæ автор Советон Цæдисы маршал Родион Малиновскийы чызг Наталья Малиновская. Чиныджы 4-æм æмбырдгонды презентаци ацыд Дзæуджыхъæуы декабры кæрон. Хуымæтæджы нæ. Цымыдисæй дзы бакæсæн ис не`мзæххон Æфсады инæлар, Советон Цæдисы дыууæ хатты хъæбатыр - Плиты Иссæйы тыххæй æрмæджытæ дæр. Ацы сыфтыл, Фыдыбæстæйы Стыр хæсты рæстæг Уæлахиз цы хъæбатырты фæрцы бафтыд къухы, уыдоны хъысмæт. Уыцы тугкалæн хæст нымад у иуыл карздæрыл. Советон Цæдисы маршалтæ, æфсады инæлартæ, инæлар-булкъонтæ - уыдонæй алкæй ном дæр сæнусон кодтой ацы чиныджы фæрцы. Дзæуджыхъæуы ацыд чиныджы цыппæрæм томы презентаци. Ацы хорздзинадмæ рагæй æнхъæлмæ кастысты. Зæгъын хъæуы уый дæр, æмæ æмбырдгонды автор Советон Цæдисы маршал Родион Малиновскийы чызг Наталья Малиновская. Йæ хъуыдымæ гæсгæ чиныг «Имена Победы» ноджы иу хатт чиныгкæсджытæн сæ зæрдыл æрлæууын кæндзæн Уæлахиздауты фæлтæры хъæбатырдзинад. Цымыдисаг къамтæ, æмткæй райсгæйæ, сты 900-йæ фылдæр, æрмæджытæ, сæйрагдæр та -- хиуæтты, æмбæлтты æмæ хъæбатырты фæдонты мысинæгтæ. Дыууæ томы, 56 сæргонды. Чиныджы хъайтартæй иу сси не`мзæххон Æфсады инæлар, Советон Цæдисы дыууæ хатты хъæбатыр-Плиты Иссæ. Уый тыххæй æрмæджытæ бацæттæ кодта скъоладзау Мырыкаты Артемий. Дзырдæн зæгъæм, чиныг «Имена Победы»-йы 4 рауагъды презентаци дæр Дзæуджыхъæуы скæнын хуымæтæджы не сфæнд кодтой. Йæ тираж бирæ нæу. Ӕдӕппӕтӕй 1500 чиныджы. Уыдонæй 200 апарахат кæндзысты нæ республикæйы скъолаты библиотекæтыл. Ахæм хуызы Фыдыбæстæйы Стыр хæсты тыххæй мысинæгтæ бахъахъхъæнынвæнд скодта Уæрæсейы Паддзахадон Думæйы депутат Таймазты Артур. Чиныг «Имена Победы»-йы Фыдыбæстæйы Стыр хæсты æфсадфæтæгты царды хабæрттæ фыст не сты. Бæрæг дзы дары уæды рæстæджы хæстон цард. Уæвгæ, сæ фæрцы бахъахъхъæнæн ис фидæны фæлтæртæн историйы æцæгдзинад æмæ, сабырдзинады охыл нæ фыдæлтæ цы зындзинæдтæн ныффæрæзтой, уый тыххæй æмбарынад, мысинæгтæ. Гæззаты Зæринæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv