🚩ЫАМ ЫЙЫН 9 КҮНҮН -УЛУУ КЫАЙЫЫ 80 СЫЛЫН БААТАҔАЙ НЭҺИЛИЭГЭР УРУЙДУУ-АЙХАЛЛЫЫ КӨРҮСТҮБҮТ 🚩

Кыайыы Болуоссатыгар сарсыардаттан радиорепортаж, радиоконцерт холбонно. Кыайыы Знамятын, дойдубут былаахтарын аннынан бессмертный полк уонна тэрилтэлэр парадтара күргүөмүнэн хаамта. Бырааһынньыктааҕы миитиҥҥэ баһылык Белолюбскай М.М, тэрилтэ салайааччылара, оскуола 3 кылааһын үөрэнээччилэрэ эҕэрдэ тылларын эттилэр. Сэрии кэмин оҕолоро Белолюбскай П.П, Троева В.И бэйэлэрин ахтыыларын оҥордулар. "BW" куруһуок кыргыттара "Саллаат хааһыта" акциянан эбиэтинэн күндүлээтилэр. "Вальс Победы" акцияҕа, көлүөнэлэр Эҕэрдэ концертарыгар дьон- сэргэ көхтөөхтүк кытынна. Оскуола оҕолоругар "Зарница" оонньуу ыытылынна. Нэһилиэккэ ыытыллыбыт "Кыайыы дьыктаана", "Этот День Победы!", "Весна Победы !" күрэхтэр түмүктэринэн наҕараадалаатыбыт. Ол курдук 🎈 "Кыайыы дьыктааныгар" Агафья Егоровна Готовцева муҥутуур кыайыылаах буолла. 🎈 "Этот День Победы!" тэрилтэлэр строевой хаамыыга, ырыаҕа, техника киэргэтиитигэр, биир тэҥ формаҕа күрэхтэригэр 1м "Күнчээн" уһуйаан 2м Дьаһалта 3м Балыыһа, Библиотека, клуб коллективтара үллэһиннилэр. 🎈"Весна Победы!" олбуор киэргэтии күрэҕэр 1м Иннокентий, Светлана Готовцевтар 2м Мария, Александра Алексеевалар 3м Алеанна Бурнашева ылары ситистилэр. 🎈"Зарница" оонньууга "Урааҥхайдар" Кыайыы көтөллөнөн үбүлүөйдээх мэтээллэри кэттилэр. Ити курдук Улуу Кыайыы үбүлүөйдээх сылын көрсүү түмүктэннэ. Барыгытыгар мэлдьи эйэлээх ыраас халлааны, этэҥҥэ буолууну баҕарабыт.