Михаил Мишустин бахатыд, цæмæй æгас бæстæйы сфидар кæной самоизоляцийы иумæйаг фæтк

Уæрæсейы хицауады сæрдар Михаил Мишустин бахатыд, цæмæй æгас бæстæйы сфидар кæной самоизоляцийы иумæйаг фæтк. Регионты разамонджытæн бахæс кодта, цæмæй хъуыддагыл бакусой. Уæ зæрдыл уын æрлæууын кæндзыстæм, 30-æм мартъийæ фæстæмæ Мæскуыйы цæрджытæм снысан кодтой карздæр фæтк. Сæ цæрæн бынæттæй сын рацæуыны бар ис æрмæстдæр бахъуаджы рæстæг. Зæгъæм, кустмæ цæуын, кæнæ хæстæгдæр цы хойрæгты дукани ис, уырдæм бацæуын. Ахæм домæнтæ сфидар кодтой Мæскуыйы æмæ Мурманскы облæстты. Бафтаудзыстæм ма уый æмæ Цæгат Ирысторы сæргълæууæджы уынаффæмæ гæсгæ, республикæйы 6-æм апрелмæ æхгæд уыдзысты базарадон центртæ æмæ базартæ, ресторантæ, хæрæндæттæ æмæ спортивон залтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv