Цæгат Ирыстоны минæвæрттæ архайынц æдасдзинады кусæнгæрзты ифтонгады æппæтадæмон салон

Цæгат Ирыстоны минæвæрттæ архайынц «Комплексная безопасность-2021», æдасдзинады фæрæзты ифтонгады æппæтадæмон салоны. Мадзал ацыд Мæскуыйы облæсты равдыстыты центр «Патриот»-ы. Ныридæгæн æй сарæзтой 13-æм хатт. Æмбырды сæйраг фарстæй иу — æнæнхъæлæджы уавæртæ æмæ зынгсирвæзтæй цæрджыты бахъахъхъæнын. Республикæйы минæвæртты 'хсæн Цæгат Ирыстоны æххæстбарджын минæвар Уæрæсейы президенты цур Дзанайты Барис æмæ Уæрæсейы æнæнхъæлæджы уавæрты министрады Цæгат Ирыстоны управленийы разамонæг Александр Хоружий. Мадзалы архайджытæ бæстонæй æрдзырдтой граждайнаг хъахъхъæнынад нырыккон домæнты æмвæзадмæ ракæныныл. Салоны фæлгæты сараздзысты 60 мадзалы. Снысан сæ кæндзысты наукон программæйы райрæзтимæ. Æрбамбырд уыдзысты æдасдзинады къабазы кусæнгæрзтæ аразджыты, ахуырадон æмæ наукон уагдæтты минæвæрттæ. Æппæтадæмон салон «Комплексная безопасность-2021» ахæсдзæн 16-æм маймæ. Мадзал аразджытæ - Уæрæсейы æнæнхъæлæджы уавæрты æмæ мидхъуыддæгты министрадтæ, хицауады уæнгтæ. Салоны сæрмагонд программæйы фæлгæты сараздзысты 75 конгрессон мадзалы, 30 равдысты æмæ 15 спортивон мадзалы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv