Завод «Радуга» йы разамынд агуры ног специалистты

Завод «Радуга»-æн ис хъæздыг истори. Кæддæр æнæрлæугæ æмæ æвæллайгæ куыст кодта. Ныр æййафы къуылымпыдзинæдтæ. Заводы кусджытæ фаг нæй. Фæсивæд куыстуаты фæллой кæнынмæ нæ тагъд кæнынц. Заводы разы сты ног кусджыты ахуыр кæныныл дæр. Кæд зын рæстæг скодта заводыл æмæ йыл эпидемиологон уавæр дæр хуыздæры ’рдæм нæ фæзынд, уæддæр кусы, санитарон домæнтæ æххæст кæнгæйæ. Бахизæны æнæмæнг процедурæ - къухты дезинфекци. Ам карз цӕстӕй кæсынц маскæтæ дарыны фæткмӕ. Куыстуаты фыдæбон кæны 250 адæймаджы. Иуылдæр æххæст кæнынц Уæрæсейы фæлхасгæнджытæм цæстдарды управленийы амынддзинæдтæ. Завод «Радуга»-йæн бындур сæвæрдтой 45 азы размæ. Куыстуат уагъта радиолокацион техникӕ æмæ уымæн хъæугæ дзауматæ. Æппæты риссагдæр фарста у, кусджытæ дзы кæй нæ фаг кæны, уый. Заводы директор Тауаситы Эльбрус куыд бафиппайдта, афтæмæй сӕм ныртæккæ ис 7 куысты бынаты. Завод разы у фидæны кусджыты ахуыр кæныныл, уыимæ ма æрмæст куыстуаты мидӕг нæ. Пандемийæйы рæстæг завод йæ куыст нæ бауырæдта. Суанг ма фидæнмæ цалдæр егъау проекты дæр райстой. Сæ райрæзтыл кусын райдайдзысты хæстæгдæр рæстæг. Абон «Радуга» инновацион куыстуат у. Фидæнмæ сæм ис бирæ пълæнттæ. Уымæ гæсгæ сæ, æнæмæнг, хъæуы æрыгон æмæ ног кусджытæ. Ам сын æппæт хъæугæ уавæртæ дæр сараздзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv