Уста журналист, тӱвыра да мер пашаеҥ Юрий Русановым шарналтен (2-шо ужаш)

Тений 5 июльышто «Кугарня» газетын икымше номерже лекмылан 30 ий темеш. Тидын вашеш ме ончычсо пашаеҥ-шамыч дене вашлиймаш-влакым эртарена, эртыше жапым шарналтена. Тиде гана палыме, уста журналист, тӱвыра да мер пашаеҥ, Олык Ипай лӱмеш кугыжаныш премийын лауреатше Юрий Русанов (1968-2015) нерген кутыраш тӱҥалына. Ила гын, 15 майыште тудо 53 ийым тема ыле. Юрий Петровичым лишыл йолташыже Вячеслав Воронцов да пелашыже Нина Русанова дене пырля шарналтена.