Дзæуджыхъæуы базарадон-экономикон техникумы студенткæ сси чемпионат «Абилимпикс»-ы уæлахиздзау

Цыбыр рæстæгмæ скæнын 6 алыхуызон чъирийы. Уыимæ сæ ад, уæз, хъуамæ дзуапп дæттой сæрмагонд домæнтæн. Мæскуыйы хатдзæгтæ скодтой националон 6-æм чемпионат «Абилимпикс»-æн. Дзæуджыхъæуы базарадон-экономикон техникумы студенткæ Тотраты Данæйы банымадтой хуыздæр ирон чъиритæ фыцæгыл. Йæхи рагæй цæттæ кодта. Зæгъын хъæуы уый, æмæ йæ алы кæрдзыны миниуджытæ дæр уыдысты æнæаипп. Йæ фæлтæрддзинад равдыста нæ уыцхæссæг Дзæдзойты Фатимæйæн дæр. Ирон цыхтмæ бафтауын картоф, цæхх æмæ нæлхæ. Уый фæстæ йӕ хъӕуы хӕрзӕзмæст скӕнын. Гахæ æвгъаугæнæн нæй. Дарддæр æппæты адджындæр æмæ цымыдисагдæр хъуыддаг. Гахæ хыссæйы бавæрын, уый фæстæ йæ атъæпæн кæнын æмæ - пецмæ. 300 градусы температурæимæ чъири фыцынц 10 минуты бæрц. Алцыдæр сæрмагонд рецептмæ гæсгæ. Уыдон сты профессионалон дæсныйæдты национ чемпионат "Абилимпикс"-ы домæнтæ. Нæ республикæйы номæй дзы архайдта регионалон къæпхæны уæлахиздзау Тотраты Данæ. Куыд зæгъы, афтæмæй хæринаг кæнын уарзы йæ сабибонтæй. Тотраты Данæ, Дæсныйæдты чемпионат "Абилимпикс"-ы уæлахиздзау Уæлдай тынгдæр та йæ зæрдæмæ кæддæриддæр цыди чъиритæ кæнын. Чемпионаты ахæм компетенци куы фæзынди, уæдæй фӕстӕиӕ Данæйы фæндыди йæхи бафæлварын. Ацы аз Данæ уыцы ног фадат нæ ауагъта. Сæххæст кодта, рагæй кæмæ бæллыд, уыцы бæллиц. Йæ арæхстдзинад равдыста. Дæмæнтæ æнæаиппæй сæххæст кæнгæйæ, Дзæуджыхъæуы базарадон-экономикон техникумы студенткæ сси национ чемпионаты уæлахиздзау. Банымадтой йæ хуыздæр чъирифыцæгыл. Иуыл бæрзонд 100 балæй райста 98. Тотраты Данæ, Дæсныйæдты чемпионат «Абилимпикс»-ы уæлахиздзау Зындзинæдтæ та цæмæй Данæйы ма фæкъуылымпы кæной, уый тыххæй йын æрвылбон чъиритæ кæныны сусæгдзинæдтæ амыдтой йæ ахуыргæнджытæ. Дæсны хæринаггæнджыты разамындæй æрвылбон 2-æм курсы студенткæ хуыздæр кодта йæ фæлтæрддзинад. Тотраты Данæ нæ республикæ æвдыста националон къæпхæны Уæрæсейы 84 регионтæй 800 адæймагæй фылдæры `хсæн. Падемийӕйы аххосæй 23-æм - 28-æм ноябры финал ацыди онлайн хуызы. Æрыгон чызг тырны ног бæрзæндтæм, æмæ дызæрдыггаг нæу, йæ къухы кæй бафтдзысты, уый. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv