Цæгат ирыстоны студенттæ бархионтæ ацыдысты æнæнхъæлæджы уавæрты министрады ахуырадон курсытæ

Бахъуаджы рæстæг медицинон æххуыс раст бакæнын. «Иугонд Уæрæсе»»-йы уæнгтæ, «Æрыгон Гварди», æппæтуæрæсеон студентон корпусимæ аразынц ахуырадон курсытæ. Бархионтæ æмæ студенттæ ахуырты фæстæ райсдзысты сертификаттæ. Фæстæдæр сын бар уыдзæн æнæнхъæлæджы цаутæ иуварсгæнæн мадзæлтты архайын. Бархионтæ цавæр зонындзинæдтæ райстой, уый баззыдтой ме "мкусджытæ. Зæрдæ æмæ рæуджыты реанимаци у фыццаг медицинон æххуысы хуызтæй иу. Зæрдæ ногæй скусын кæнын æнцон хъуыддаг нæу. Уый тыххæй адæймаджы анатоми хъæуы иттæг хорз зонын. Къухæй раст æвналын. Æмбарын хъæуы, цæфтæ баййафæджы риуыл ныххæцгæйæ, куыд æмæ цавæр тыхимæ æлхъивын хъæуы, уый. Бахъуаджы заман уыцы хъуыддæгтæ зонгæйæ адæймаджы цард аирвæзынгæнæн ис. Специалисттæ куыд зæгъынц, афтæмæй сæ сæйрагдæр хæс у рынчынæн баххуыс кæнын æмæ йын йæ уавæр ма фæуæззаудæр кæнын. Дарддæры къæпхæн - цæф адæймаджы кæнæ йæ улæфт кæмæн æрлæууыди, уый сулæфын кæнын. Фæлтæрдджын инструктортæ сæ техникæйæ амонынц бархионтæн. Фыццаджыдæр, хъыгдæрд баййафæгæн хъæуы йæ улæфæнтæ суæгъд кæнын. Уый фæстæ йын хъæуы йæ сæр фæстæрдæм акæнын æмæ йæ роцъойыл схæцын. Ам дæр йæхи зындзинæдтæ ис. Зæгъæм, туаггуыр хъæуы уый бæрц, цæмæй рынчыны улæфт схорз уа. уыцы зонындзинæдтæ фæлварынц нырыккон манекеныл. Компютерыл та бæрæггонд цæуы, бархион раст архайы æви нæ. Цалынмæ иутæ адæймаджы ирвæзын кæнынц, уæдмæ иннæтæ цæттæ кæнынц рæстæгмæ пункт. Ахæм пъалаткæтæй пайда кæнынц æфсады æмæ æнæнхъæлæджы уавæрты министрады. Фæлтæрдджын специалисттæ сæ дæс минутмæ сæмбырд кæнынц, фæлæ æрыгæтты фылдæр рæстæг бахъæудзæн. Пъалаткæйы æрбынат кæнæн ис 30 адæймагæн. Специалисттæ куыд зæгъынц, афтæмæй æнæнхъæлæджы уавæрты у æнæмæнг хъæугæ дзаума. Бархионтæй иу, Косты Марат, куыд зæгъы, афтæмæй ахæм ахуырты тыххæй куы баззыдта, уæд æй бафæндыд йæхи бафæлварын. Йæ хъуыдымæ гæсгæ ам цы зонындзинæдтæ райса, уыдон царды, æнæмæнг, хъæугæ сты. 15 сахаты практикон æмæ теорион ахуыртæ. Бархионтæ æдасдзинады домæнтæ баззыдтой. Хи æнæнхъæлæджы уавæрты куыд дарын хъæуы, уый дæр. Ныр фыццаг медицинон æххуыс бакæнын сæ бон бауыдзæн. Базонгæ сты зынгхуыссынгæнджытæ, ирвæзынгæнджытæ æмæ альпинистты кусæнгæрзтимæ. Кæронбæттæны - тестытæ. Сæ бæрæггæнæнтæм гæсгæ бархионтæ райсдзысты сертификаттæ. Æнæ уымæй сæ ацы аз куыстмæ нæ бауаддзысты. Бархионмæ фаг зонындзинæдтæ куы нæ уа, уæд ирвæзынгæнæгæн æрмæстдæр хъыгдарыны хос у. Ныртæккæ та се ’ппæтæн дæр сæ бон у æххуысмæ æрбацæуын. Ахуырадон курсытæ аразы Иугонд Уæрæсейы "Æрыгон гварди" æмæ ирвæзынгæнджыты студентты корпус. Ахæм курсытæ ма цæуынц нæ бæстæйы 10 регионы. Цæгат Кавказы Федералон зылды центр ис Дзæуджыхъæуы. Йæ разамонæг Хъараты Романы ныхæстæм гæсгæ, æппæт уавæртæ дæр дзы ис. Ахуыр дзы кæндзысты куыд Ирыстоны цæрджыты, афтæ сыхаг регионтæй дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv