Ног ахуыры азмæ скъолаты цæттæдзинадыл Дзанайты Барис æрдзырдта дзуапдæттæг министрад

Ног ахуыры азмæ скъолаты цæттæдзинадыл Дзанайты Барис æрдзырдта дзуапдæттæг министрад æмæ ведомствоты разамонджытимæ. Ныртæккæ республикæйы бындуронæй цалцæг кæнынц 40 скъолайы. Арæзтад æмæ архитектурæйы министры хæстæ рæстæгмæ æххæстгæнæг Атараты Георгий куыд радзырдта, афтæмæй æппæт мадзæлттæ дæр æххæстгонд цæуынц фæткмæ гæсгæ. Объекттæй ног ахуыры аз раттынвæнд кæй кодтой, уыдон афойнадыл срæвдз уыдзысты. Æдæппæтæй 2022-æм - 2023-æм азты бындурон цалцæджы программæйы фæлгæты Цæгат Ирыстоны сног кæндзысты 66 ахуырадон уагдоны. Уыцы хъуыддæгтæн рахай кодтой 4 млрд сомы. Атараты Георгий куыд радзырдта, афтæмæй дзуапдæттӕг министрад ведомствотимæ æппынæдзух аразы мониторинг.