Рахизфарсы районы ЗАГС пандемийæйы рæстæг куыста дистанцион хуызы

Рахизфарсы районы ЗАГС цал азы кусы, уал азмæ дзы баиу кодтой бирæ æрыгон къæйттæ. Æмæ æрмæст æрыгæтты нæ, фæлæ ма, кусджытæ куыд зæгъынц, афтæмæй хистæр кары адæмы дæр. Сæ куыстыл иууылдæр сты æнувыд. Коронавирусы низ куы апарахат, уæдæй нырмæ кусынц, æппæт домæнтæ æххæстгæнгæйæ. Ацы азы райдианæй абоны онг районы регистраци скодтой 51 къайы, 266 æвдисæндары та рафыстой ноггуырдтæн. Гусаты Ларисæ ЗАГС-ы кусы 11 азы. Уæдæй абоны онг адæмæн лæггад кæны зæрдиагæй. Коронавирусы рæстæг сæ куыст не ’рлæууыд, фæлæ æппæт домæнтæ æххæст кæнгæйæ архайдтой. Абон цы уавæры кусынц, уый тыххæй нын Гусаты Ларисæ бæлвырдæй радзырдта. Алы бон дæр - 60 адæймаджы бæрц. Къуыри æртæ боны кусгæйæ, сæ куыст къаддæр нæ кæны. Æмæ кусджытæн æхсызгон у, æрыгон адæмы циндзинадыл иумæйагæй сæ бон бацин кæнын кæй у, уый. Уымæй уæлдай ма Уæрæсейы Президенты уынаффæмæ гæсгæ, бакуыстой сывæллæттæн æхцайæ баххуыс кæныныл дæр. Адæмæн лæггад кæнын - уый у ЗАГС-ы кусджыты сæйрагдæр хæс. Чи сæм æрбацæуы, уыдонæй алкæмæ дæр ис фæндтæ æмæ бæллицтæ. Æмæ сын ацы галуаны зæрдиагæй баххуыс кæнынц. Айларты Эмилия _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv