Регионы разамынды центры снысан кæндзысты информацион кампани сывæллæттæн фиддонты тыххæй

1-æм апрелæй аивта 3 азæй 7 азы онг сывæллæттæн фиддонты уагæвæрд. Уый фæдыл ныййарджытæм фæзынд бирæ фарстатæ. Арæх æххуысагур баздæхынц регионы разамынды центрмæ дæр. Ныр, фиддонтæ нысангæнгæйæ, æргом 'здахдзысты æрмæст бинонты æфтиæгтæм нæ, фæлæ ма кæсдзысты исбонады уавæрмæ дæр. Бæлвырддæр информаци базыдтой ме 'мкусджытæ. 3 азæй 7 азы онг сывæллæттæн фиддонтæ фидынц ивгъуыд азæй фæстæмæ. Ацы аз Владимир Путины уынаффæмæ гæсгæ фиддонты бæрц фæивта. Ныртæккæ иу сывæллон исы регионы фæцæрынæн æппын къаддæр æхцайы бæрцы 50%, 75% æмæ 100%. Фиддон нысангæнгæйæ æрмæст бинонты æфтиæгтæм нæ кæсдзысты, фæлæ ма исбонады уавæрмæ дæр. Уыимæ ма снысан кодтой ногдзинад - бинонтæм æфтиæгтæ æппындæр куы нæ хауа, уæд. Фиддон парахат у, фæлæ республикæйы цæрджытæм сæвзæры бирæ фарстатæ. Æрвылбон сæдæ курдиатæй фылдæр райсынц регионы разамынды центры. Специалисттæ куыд зæгъынц, афтæмæй курдиæттæн сæ фылдæры сбæрæг вæййы, республикæйы цæрджытæ фаг информаци кæй нæ зонынц, фиддонтæ нысан кæныны фарстайы фӕдыл æмæ цавæр гæххæтыттæ хъæуы, уый дæр. Фарстатæ бирæ кæй сты, уымæ гæсгæ дзуапдæттæг ведомствоӕйæ уæлдай егъау информацион кампани снысан кæндзысты регионы разамынды центры. Республикæйы дзыллон информацион фæрæзтимæ иумæ бацæттæ кæндзысты алыхуызон материалтæ. Апарахат сæ кæндзысты канд дзыллон информацион фæрæзты нæ, фæлæ ма социалон хызæгты дæр. Регионы разамынды центр информацион кампанитæ аразын фæнд кæны æппынæдзух. Фылдæр се 'ргом аздахдзысты курдиæттæ сæм цы фарстаты фæдыл æрбацæуы, уыдонмæ. Уазиты Зæлинæ, Куыдзæгты Азæмæт. Ирыстоны хабæрттæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv