Дзулфыцæн продукци уадзынимæ баст хæрдзты хай йæхимæ райсдзæн Уæрæсейы æмæ республикæйы хицауад

Дзулфыцæн продукци уадзынимæ баст хæрдзты хай йæхимæ райсдзæн Уæрæсейы æмæ республикæйы хицауад. Субидиты бæрц æмæ сæ райсыны фæткыл æрныхас кодтой республикæйы хицауады æмбырды. Компенсацийы бæрц – 2 мин сомы дзулы иу тоннæйæн. Афтæмæй дзулы æргътæ уæлæмæ нæ рæздзæн. Республикæйы Финансты министры хæдивæг Оксана Карова фæнысан кодта 2028 азмæ бюджеты уавæры тыххæй. Бакусынц ыл алы 6 азы, Нысангонд та æрцæуы 12 азмæ. Хатдзæгтæ саразынц республикæйы социалон æмæ экономикон рæзты бæрæггæнæнтæм гæсгæ. Хынцынц ма бюджеты дефициты домæнтæ æмæ, федералон бюджетæй республикæ цы бюджетон кредиттæ райста, уыцы хæстæ фидыны уагæвæрды ивддзинæдтæ. Бюджетон политикæйы сæйраг нысан у хъалонтæ æмæ æндæр æфтиæгты бæрц фæфылдæр кæнын. Тускъаты Таймураз куыд фæнысан кодта, афтæмæй хи хъалонтæ æмæ æндæр æфтиæгты бæрц фæфылдæр кæнынæн бакусын хъæуы сæрмагонд системæйыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv