Æхсæнадон палатæйы бафыстой æвзæрстыты бæрнон цæстдард æххæст кæныны бадзырд

Республикæйы æхсæнадон палатæйы бафыстой бадзырд, 19-æм сентябры æвзæрстытæм бæрнон цæстдард кæй æххæст кæндзысты, уый тыххæй. Æмгустады тыххæй баныхас кодтой æхсæнадон иугондтимæ - медицинон кусджыты æмæ юристты ассоциацитимæ, стæй республикæйы сылгоймæгты советимæ æмæ журналистты цæдисимæ. Ныртæккæ æхсæнадон архайджытæ райдайдзысты цæстдарджыты цæттæ кæнын, кæндзысты сын сæрмагонд ахуыртæ. Адæм æвзæрстытæм нысангонд æрцæудзысты. Ныридæгæн бадзырдтæ бафыстой «Иугонд Уæрæсе», «Родина», «ЛДПР» æмæ парти «Роста»-имæ. Уæ зæрдыл уын æрлæууын кæндзыстæм, Паддзахадон Думæйы Федералон æмбырдмæ депутатты æвзæрстытæ ацæудзысты 19 сентябры. Уыимæ ма цæрджытæ æвзардзысты бынæттон администрациты разамонджыты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv