Парти «Иугонд Уæрæсе» йы регионалон хайады уæнгтæ дзырдтой фæстаг фондз азы куысты хатдзæгтыл

Парти «Иугонд Уæрæсе»-йы хатдзæгтæ скодтой 5 азы куыстæн. Регионалон хайады уæнгтæ сæрмагонд проектты фæлгæты аив кæнынц æхсæнадон бынæттæ. Цæрджытæн аразынц ног гæнæнтæ сфæлдыстад æмæ спортæй архайынæн. Сæ куысты фæтк бæрæг кæнынц республикæйы цæрджытимæ иумæ. Фидæнмæ ма партимæ цы фæндтæ ис, уый тыххæй нæ дарддæры æрмæджы. Партийы 15 проекты фæрцы хуыздæрырдæм аивта канд Дзæуджыхъæуы нæ, фæлæ ма районты æддаг бакаст дæр. Цалцæггæнæн куыстыты фæстæ спортивон æмæ сфæлдыстадон архайдæн фæзынд ног уавæртæ. Парти «Иугонд Уæрæсе»-йы æмбырды æрдзырдтой фæстаг фондз азы куысты хатдзæгтыл. Дзырдæн, «Иугонд Уæрæсе» у фыццаг фракци, йæ куысты фæдыл адæмы раз дзуапп чи дæтты, ахæм. 5 азы размæ партийы минæвæрттæ фембæлдысты республикæйы цæрджытимæ. Уыдис сæм курдиат риссагдæр фарстатæ фæнысан кæнын. Афтæмæй нæхицæн сбæлвырд кодтам ахсджиагдæр æмæ фыццаградон хъуыддæгтæ. Партийон программæтæ «Городская среда», «Дом культуры» æмæ æндæртæ æххæст кæнын райдыдтам. Ахæм фембæлдтытæ уыдзысты хæстæгдæр æвзарæн кампанийы рæстæг. Æмбырды фæлгæты ма дзырдтой хуыздæр муниципалон хъæппæристы тыххæй. Парти цы проекттæн баххуыс кодта, уыдоны презентаци. 5 азмæ партийы уæнгтæ егъау куыст бакодтой. Уымæн ис æвдисæнтæ, уый хыгъд ууыл æрлæууынмæ нæ хъавынц. Фидæны сæм æнхъæлмæ кæсы ног программæтæ æмæ проекттæ. Томайты Аланæ, Каджаты Алыксандр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv