Сæ бæллицтæ сæххæст сты акци «Курдиæтты заз бæлас» ы архайджытæн

Сæ бæллицтæ сæххæст сты акци «Курдиæтты заз бæлас»-ы архайджытæн дæр. Дыууæ къонвертты дзы райста республикæйы парламенты депутат Тауытты Алыксандр. Елбачиты Ланæйан балæвар кодта велосипед æмæ йыл чызг тынг бацин кодта. Георгий Скублинскийы та хъуыди компьютер. Лæппу куыд загъта, афтæмæй акцийы тыххæй базыдта скъолайы æмæ дзы сфæнд кодта архайын. Парти «Иугонд Уæрæсе»-йы уæнгтæ ацы куыст кæнынц дарддæр дæр. Æдæппæтæй заз бæласыл уыдис сæдæ къонверттæй фылдæр. Компьютермæ рагæй æнхъæлмæ кастæн. Уымæн æмæ мæ кусынæн хъуыд. Уæдæ мæ ахуыртæ дæр райдыдтой. Сæ лæвæрттæм ма чи æнхъæлмæ кæсы, уыцы сабиты номхыгъд къаддæр кæны. Бирæ бæллицты лæвæрттæ зын ссарæн сты, фæлæ йæ куыд зонын, афтæмæй сæ самал кодтой. Хæстæгдæр бонты зæгъæн уыдзæн, «Курдиæтты заз бæласæй» сывæллæтты алы фæнд дæр кæй сæххæст уыдзæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv