Сергей Меняйло бабæрæг кодта Æрыдоны районы сæйраг рынчындон

Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло дарддæр цæуы кусæг балцыты республикæйы районтам. Бабæрæг кодта Æрыдон. Федта районы рынчындон. 2019 азы медицинон кусæндон байгом бындурон цалцæджы фæстæ. Ныртæккæ дзы ис 7 хайады. Хирургийы, травматологийы, арæндон, сылгоймæгты низтæ дзæбæхгæнæн, реанимацийы, терапевтон æмæ сывæллæтты хайад. Рынчындоны ис 126 хуыссæн бынаты. Поликлиникæйы бон у 300 пациентæн лæггад кæнын сменæмæ. Куыд кусы дзæбæхгæнæндон, уый регионы разамонæгæн равдыста æмæ радзырдта йæ сæйраг дохтыр Моргуаты Аслæнбег. Сергей Меняйло аныхас кодта пациенттимæ дæр. Алкæй дæр дзы бафарста, разы сты цы уавæрты сæ дзæбæх кæнынц, уымæй, æви нæ. Стæй йӕ базонын фӕндыд, цы къуылымпыдзинæдтимæ æмбæлынц, уый. Рынчынты ныхæстæм гæсгæ, медицинон æххуысы хæрзхъæддзинад у бæрзонд æмвæзадыл. Рынчындон пациенттæн рахай кодта æппæт хъæугæ хостæй дæр. Сергей Меняйло федта ног стоматологон кабинет дæр. Байгом ацы аз мартъийы. Районы цæрджыты бон дзы лæггæдтæ райсын у медицинон фæдзæхстадмæ гæсгæ. Дарддæр фæнд кæнынц лæггæдты нымæц фæфылдæр кæнын. Сергей Меняйло фæнысан кодта, районы рынчындæтты хъуамæ, æнæмæнг, уа компьютерон томографи кæнынæн кусæнгæрзтæ, цӕмӕй районты цæрджытæн уа æппæт уавæртæ дæр хæрзхъæд медицинон лæггæдтæ æххæстæй исынæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv