Цæгат Ирыстон цæттæ кæны Евгений Вахтанговы номыл паддзахадон академион театры 150 азы юбилеймæ

Цæгат Ирыстон цæттæ кæны Евгений Вахтанговы номыл паддзахадон академион театры 150 азы юбилеймæ. Мадзæлтты пъланыл æрныхас кодтой цæттæгæнæн комитеты æмбырды. Видеоконференцийы хуызы йæ амыдта Азымты Иринæ. Юбилей сбæрæг кæндзысты фидæны азы, июны. Театры аивадон разамонæг, Владимир Уваров куыд фæнысан кодта, афтæмæй, 150 азы кадæн чиныджы литературон хай у цæттæ. Ныртæккæ кусынц юбилейы фæдыл рекламæйы продукцийыл, стæй зæрдылдарæн нысæнттыл. Юбилейон аз байгом уыдзæн спекталь «Полет»-æй Гæздæнты Гайтойы романмæ гæсгæ. Уæрæсейы йæ сæвæрдзысты фыццаг хатт. Премьерæ фæнд кæнынц мартъимæ бацæттæ кæнын. Майы мæйы та театрдзаутæн равдисдзысты Михаил Лермонотовы драмæ «Маскарад». Сентябры Мæскуыйы æмæ Цæгат Ирыстоны театрты труппæтæ кæрæдзимæ ацæудзысты гастрольты. Юбилеймæ ма бакусдзысты документалон кинонывыл театры историйы тыххæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv