Цæгат Кавказы хæххон-металлургон институты студенттæ æххуыс кæнынц Алагиры фæзуат саив кæнынмæ

Цæгат Кавказы хæххон-металлургон институты архитектурон факультеты студенттæ баххуыс кæндзысты Алагиры фæзуат саив кæнынмæ. Уæлдæр ахуыргæнæндоны зонадон центры уый фæдыл равдыстой проекттæ. Студенттæ сбæрæг кодтой фæзуæтты уавæр æмæ, базилын цы объекттæм хъæуы, уыдон. Се 'хсæн горæты центр, аргъуаны цур фæзуат, хæххон промышленносты историйы музей, культурæйы хæдзары алфамблай, Хетæгкаты Къостайы уынг æмæ «водный» станцæ. Уæ зæрдыл уын æрлæууын кæндзыстæм, Алагир архайы æнцонвадат цардархайды уавæртæ саразынæн æппæтуæрæсеон конкурсы. Иугонд нациты организацийы концепци «Устойчивое развитие»-йы фæлгæты ма республикæйы хæххон бынæтты фæнд кæнынц ЮНЕСКО-йы глобалон геопарк саразын. Проектыл кусын райдайдзысты Алагиры районы. Ахуыргæнæндон республикæйы хицауадмæ арвыста курдиат. Проектимæ сразы сты. Ныридæгæн ыл кусын райдыдтой. Хъараты Юрий, Цæгат Кавказы хæххон-металлургон институты программæтыл бакусыны центры директор: «Цæгат Ирыстоны тынг хорз геопарк рауадаид. Уымæн æмæ нæм бирæ геологон æрдзон цыртдзæвæнтæ ис. Уыимæ ма истори æмæ архитектурæйы цыртдзæвæнтæ. Какавзæн йæ центры стæм. Æппæт объекттæ дæр фенæн ис. Уый руаджы туризмы рæзтыл бакусæн дæр ис. Стæй ма, аграрон кондадыл дæр». Цæгат Кавказы хæххон-металлургон институты архитектурæйы факультеты доцент Анна Лукомская: «Лæмбынæг æркастытæм бынæтты уавæрмæ. Студенттæ адих кодтам цыппар кусæг къордыл. Бахæс сын кодтам Алагиры цыппар фæзуатæн сæ уавæр сбæрæг кæнын. Цæмæй йæ æмбарæм, конкурсмæ рахæссынмæ дзы цы бæззы, уый. Проекттæм дæр æркæсдзыстæм. Куыстытæм бацæттæ кæнынæн уыдон стыр æххуыс сты». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv