Цæгат Ирыстоны цæрджыты вакцинаци райдайынвæнд кæнынц сентябры

Цæгат Ирыстоны цæрджыты вакцинаци райдайынвæнд кæнынц сентябры. Уый тыххæй фехъусын кодта Уæрæсейы фæлхасгæнджытæм цæстдарды управленийы регионалон хайады разамонæджы хæдивæг Къаболаты Заремæ. Йæ ныхæстæм гæсгæ æнæнидзинад хъахъхъæныны министрадимæ прививкæты пълан снысан кодтой. Республикæмæ хæстæгдæр рæстæг вакцинæ æрбаласдзысты. Сентябры гриппы ныхмæ прививкæты рæстæг райдайдзæн. Медицинон процедурæ хъуамæ аххæсса цæрджыты 60%. Бафтаудзыстæм ма уый, æмæ адæймаг грипп æмæ коронавирусæй уыцы иу рæстæг куы фæрынчын уа, уæд низтимæ тох кæнын уыдзæн бирæ зындæр. Уымæ гæсгæ специалисттæ сидынц, цæмæй адæм гриппы ныхмæ приривкæ рагацау скæной. Уæлдайдæр, вакцинаци скæнын хъæуы ацæргæ æмæ низджын адæмæн. Æнæмæнг прививкæ скæндзысты медицинон кусджытæн. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv