Муроттал роҳат уйқу беради | Murottal rohat uyqu beradi.

1. Ясин сурасини ўқиш бутун Қуръонни ўн марта ўқиганга тенг. Анас розияллоҳу анҳудан ривоят қилинади: Расулуллоҳ ﷺ дедилар: «Ҳар бир нарсанинг қалби бор. Қуръоннинг қалби эса Ясин сурасидир. Ким Ясин сурасини ўқиса, Аллоҳ унга унинг ўқигани учун бутун Қуръонни ўн марта ўқиган каби савоб ёзади.» (Имом Термизий ривояти, №2812) 1. Yosin surasini o‘qish butun Qur'onni o‘n marta o‘qiganga teng. Anas roziyallohu anhudan rivoyat qilinadi: Rasululloh ﷺ dedilar: "Har bir narsaning qalbi bor. Qur'onning qalbi esa Yosin surasidir. Kim Yosin surasini o‘qisa, Alloh unga uning o‘qigani uchun butun Qur'onni o‘n marta o‘qigan kabi savob yozadi."(Imom Termiziy rivoyati, №2812) 2. Ясин сурасини ўқиган кишининг гуноҳлари кечирилади. Маъқил ибн Ясор розияллоҳу анҳудан ривоят қилинади: Расулуллоҳ ﷺ дедилар: «Бақара сураси Қуръоннинг энг улуғ сурасидир. Унинг ҳар бир ояти билан бирга саксонта фаришта нозил бўлган. "Лаа илааҳа иллаллоҳу ал-Ҳайюл Қайюм" Арш остида бўлиб, Бақара сурасига қўшилгандир. Ясин эса Қуръоннинг қалбидир. Ким уни Аллоҳ таолонинг розилиги ва охиратни умид қилиб ўқиса, унинг гуноҳлари кечирилади. Уни вафот этганларингизга ҳам ўқиб беринглар.»(Имом Аҳмад ривояти, №19415) 2. Yosin surasini o‘qigan kishining gunohlari kechiriladi. Ma'qil ibn Yasor roziyallohu anhudan rivoyat qilinadi: Rasululloh ﷺ dedilar: "Baqara surasi Qur'onning eng ulug‘ surasidir. Uning har bir oyati bilan birga saksonta farishta nozil bo‘lgan. 'Laa ilaaha illallohu al-Hayyul Qayyum' Arsh ostida bo‘lib, Baqara surasiga qo‘shilgandir. Yosin esa Qur'onning qalbidir. Kim uni Alloh taoloning roziligi va oxiratni umid qilib o‘qisa, uning gunohlari kechiriladi. Uni vafot etganlaringizga ham o‘qib beringlar." (Imom Ahmad rivoyati, №19415) 3. Кечаси Ясин сурасини ўқиган кишининг гуноҳлари кечирилади. Ҳасан раҳимаҳуллоҳдан ривоят қилинади: «Ким кечаси Аллоҳнинг розилигини умид қилиб Ясин сурасини ўқиса, унинг гуноҳлари кечирилади. Шунингдек, менга етган хабарга кўра, Ясин сураси бутун Қуръонга тенг савобга эгадир.» (Ад-Доримий ривояти, №3281) 3. Kechasi Yosin surasini o‘qigan kishining gunohlari kechiriladi. Hasan rohimahullohdan rivoyat qilinadi: "Kim kechasi Allohning roziligini umid qilib Yosin surasini o‘qisa, uning gunohlari kechiriladi. Shuningdek, menga yetgan xabarga ko‘ra, Yosin surasi butun Qur'onga teng savobga egadir." (Ad-Dorimiy rivoyati, №3281) 4. Ясин сурасини ўқиган киши Қуръонни ўн марта ўқиган каби савоб олади. Анас розияллоҳу анҳудан ривоят қилинади: Расулуллоҳ ﷺ дедилар: «Албатта, ҳар бир нарсанинг қалби бор. Қуръоннинг қалби эса Ясин сурасидир. Ким уни ўқиса, унга бутун Қуръонни ўн марта ўқиган кишининг савоби ёзилади.» (Ад-Доримий ривояти, №3282) 4. Yosin surasini o‘qigan kishi Qur'onni o‘n marta o‘qigan kabi savob oladi. Anas roziyallohu anhudan rivoyat qilinadi. Rasululloh ﷺ dedilar: "Albatta, har bir narsaning qalbi bor. Qur'onning qalbi esa Yosin surasidir. Kim uni o‘qisa, unga butun Qur'onni o‘n marta o‘qigan kishining savobi yoziladi."(Ad-Dorimiy rivoyati, №3282) 5. Куннинг бошида Ясин сурасини ўқиган кишининг эҳтиёжлари бажо бўлади. Ато ибн Абу Рабоҳдан ривоят қилинади: Менга Расулуллоҳ ﷺ шундай деганлари ҳақида хабар етди: «Ким куннинг бошида Ясин сурасини ўқиса, унинг барча эҳтиёжлари бажо қилинади.»(Ад-Доримий ривояти, №3284) 5. Kunning boshida Yosin surasini o‘qigan kishining ehtiyojlari bajo bo‘ladi. Ato ibn Abu Rabohdan rivoyat qilinadi: Menga Rasululloh ﷺ shunday deganlari haqida xabar yetdi: "Kim kunning boshida Yosin surasini o‘qisa, uning barcha ehtiyojlari bajo qilinadi."(Ad-Dorimiy rivoyati, №3284) 6. Ясин сурасини ўқиган кишининг ишлари енгиллаштирилади. Ибн Аббос розияллоҳу анҳумо дедилар: «Ким эрталаб Ясин сурасини ўқиса, ўша кун кечгача унинг ишлари енгиллаштирилади. Ким уни кечанинг бошида ўқиса, тонг отгунча унинг ишлари енгиллаштирилади.»(Ад-Доримий ривояти, №3285) 6. Yosin surasini o‘qigan kishining ishlari yengillashtiriladi. Ibn Abbos roziyallohu anhumo dedilar: "Kim ertalab Yosin surasini o‘qisa, o‘sha kun kechgacha uning ishlari yengillashtiriladi. Kim uni kechaning boshida o‘qisa, tong otgunga qadar uning ishlari yengillashtiriladi."(Ad-Dorimiy rivoyati, №3285) 7. Жума кечаси Ясин сурасини ўқиган кишининг гуноҳлари кечирилади. Абу Ҳурайра розияллоҳу анҳудан ривоят қилинади: Расулуллоҳ ﷺ дедилар: «Ким жума кечаси Духон ва Ясин сураларини ўқиса, эрталабга бориб унинг гуноҳлари кечирилади.» (Ал-Байҳақий ривояти, "Шуъаб ал-Иймон", №2248) 7. Juma kechasi Yosin surasini o‘qigan kishining gunohlari kechiriladi. Abu Hurayra roziyallohu anhudan rivoyat qilinadi. Rasululloh ﷺ dedilar: "Kim juma kechasi Duxon va Yosin suralarini o‘qisa, ertalabga borib uning gunohlari kechiriladi." (Al-Bayhaqiy rivoyati, "Shu'ab al-Imon", №2248)