Дзæуджыхъæуы уыд Кæсæг Балхъары фысджыты цæдисы сæрдар Муталип Беппаевы сфæлдыстадон изæр

Культурæйы къабазы æмгуыстад. Дзæуджыхъæуы уыд сфæлдыстадон фембæлд Кæсæг-Балхъары Фысджыты цæдисы сæрдар Муталип Беппаевимæ. Архайдтой дзы Цæгат Ирыстоны фысджытæ дæр. Хæлар поэтикон ахастдзинæдты тыххæй радзурдзæн Гугкаты Иринæ. Поэт, Кæсæг-Балхъары фысджыты цæдисы сæрдар - Муталип Беппаевæн Ирыстон æнæзонгæ нæу. Цы уацмыстæ фыссы сывæллæттæн уырыссаг æвзагыл, стæй йе 'мдзæвгæты æмбырдгондтæ парахат сты нæ республикæйы. Йе сфæлдыстадон изæр Муталип Беппаев сарæзтæ Цæгат Ирыстоны культурæйы министрады. Афтæмæй йæ фæндыд равдисын дыууæ республикæйы 'хсæн стыр культурон хæлардзинад кæй ис, уый. Цæгат Ирыстоны фысджытæн Кæсæг-Балхъары литературон æхсæнады минæвæрттимæ бастдзинад рагæй ис. Нæ республикæйы рацыд журналтæ сыхаг регионы поэтты æмдзæвгæтимæ. Уæдæ ирыстойнаг фысджыты 'мдзæвгæтæ дæр зонынц Кæсæг-Балхъары, арæх сæм мыхуыргонд æрцæуынц. Республикæйы культурæйы министры хæстæ рæстæгмæ æххæстгæнæг Къубалты Эльбрус куыд загъта, афтæмæй æмгуыстад парахат кæндзæн дарддæр дæр, æмæ канд литературæйы нæ. Муталип Беппаевимæ ма Дзæуджыхъæумæ ссыдысты Кæсæг-Балхъары адæмон поэт Аскар Додуев, Цæгат Кавказы аивæдты паддзахадон институты проректор Фуад Эфендиев æмæ режессурæйы кафедрæйы ахуыргæнæг Мурат Боттаев. Æмгуыстады хорз фæстиуджыты тыххæй йæ хъуыдытæ загъта республикæйы нациты 'хсæн ахастдзинæдты фарстатыл фæдыл министры хæстæ рæстæгмæ æххæмтгæнæг Цуциты Аслан. Муталип Беппаевы схорзæхджын кодтой дипломæй. Дарддæр та иумæйаг сфæлдыстадон изæртæ уыдзæн Цæгат Ирыстон æмæ Цæцæны республикæйæн. Сараздзысты сæ фæззæджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv