Ирон æвзагыл кæм ахуыр кæнынц, ахæм скъолатæ æмæ сывæллæтты рæвдауæндæттæ фæфылдæр уыдзысты Цæгат Ир

Цæгат Ирыстоны 2021-2022-æм ахуыры азы полилингвалон системæ апарахат уыдзæн ноджыдæр сывæллæты 16 рæвдауæндоны æмæ 12 скъолайы. Афтæмæй, сæ нымæц суыдзæн 100-мæ 'ввахс. Системæ сфидар кодтой «Ирон æвзаджы национ æмæ культурон рæзты» сæрмагонд программæйы фæлгæты. Ныр кусын райдайдзысты хъомылгæнджытимæ æмæ ахуыргæнджытимæ, уыдзæн сын фембæлд ахуыргæнæн чингуыты автортимæ дæр. Полилингвалон кълæстæ æмæ къордтæ республикæйы алы районты дæр сты. Сæйраг нысан у, цæмæй сывæллæттæ гыццылæй фæстæмæ райдайой хъуыды кæнын мадæлон æвзагыл. Уæлдай æргом системæйы æздæхт цæуы ирон культурæ æмæ æгъдæуттæм. Уæдæ æххуыс у фидæнмæ ирон поэттæ æмæ фыссджыты хъомыл кæнынæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv