Фæсивæды æфсæддон-патриотон хъомылады центр бахыгъта йæ афæдзы куысты бæрæггæнæнтæ

Фæсивæды æфсæддон-патриотон хъомылады центр бахыгъта йæ афæдзы куысты бæрæггæнæнтæ. Сæрмагонд мадзæлттæ ацыдысты пъланмæ гæсгæ. Сæ иу - Уæлахизы кадджын бонмæ патриотон акци «Георгийы номыл лент». Лæвæрттой сæ республикæйы цæрджытæн. Стыр куыст бакодтой æмæ кæнынц Æппæтуæрæсеон æхсæнадон регионалон змæлд «Уæлахизы бархионтæ». Æрвылмæй фембæлынц Фыдыбæстæйы Стыр хæсты ветерантимæ. Æххуысы къух бадарынмæ алкæддæр вæййынц цæттæ. Егъау бæрæгбон сси республикæйы цæрджытæн ретро-поезд «Уæлахиз»-ы ссыд дæр. Цæугæ музей баст уыд Фыдыбæстæйы Стыр хæсты 75 азы бонимæ. Дыууæ боны республикæйы цæрджытæн æмæ уазджытæн фадат уыд хæстон азты рæстæгмæ аздæхынæн. Пъланы ма цы снысан кодтой, уыдон ахæсдзысты 2024-æм азы онг. Бацæттæ кодтой сæ куысты фæтк. Эпидемиологон уавæр хынцгæйæ йæ `ххæст кæндзысты сæрмагонд домæнтæм гæсгæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv