400 бинонтæй фылдæр 2025 æм азмæ кæлæддзаг хæдзæрттæй ногтæм раивдзысты

400 бинонтæй фылдæр 2025-æм азмæ кæлæддзаг хæдзæрттæй ногтæм раивдзысты. Хъуыддаг къухы ’фты национ проекты руаджы. Фидæны азы ног цæрæнбынат самал кæндзысты 30 бинонтæн. Кæм æрцæрдзысты, уыцы бынæтты иумæйаг фæзуат у 20 мин квадратон метры. Цæгат Ирыстоны хицауад снысан кодта цæрджыты кæлæддзаг хæдзæрттæй ногтæм раивыны программæ 2019-2024-æм азтæн. Бафтыдтой йæм 4 муниципалон сконды - Дзæуджыхъæу, Дыгуры район, Мæздæг, Рахизфарсы район. Æдæппæтæй программæмæ бахастой 41 хæдзары. Национ проект «Цæрæнуæттæ æмæ горæты цардархайд» арæзт у цыппар федералон проектæй. Иумæйагæй йын æхцайы фæрæзтæ æмбæлы 1 трлн сомы. Йæ сæйраг æвдисæн - алы аз дæр цæрæнуæтты 120 милуан кв метры аразын æмæ 5 милуан бинонтæн сæ царды уавæртæ фæхуыздæр кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv