Æхсæнадон транспорты кæцыдæр хай кусын райдыдта

Æхсæнадон транспорты кæцыдæр хай кусын райдыдта абонæй фæстæмæ. Фæндæгтæм рацыдысты маршрутон такситæ æмæ трамвайтæ. Уый тыххæй фехъусын кодтой республикæйы промышленность æмæ транспорты министрадæй. Цæмæй фæстæмæ автобустæ æмæ маршрутон такситæ фæндæгтæм рацæуой, уый тыххæй снысан кодтой æнæмæнг домæн - шофыртæ хъуамæ æххæст кæной профилактикон æмæ дезинфекцион мадзæлттæ, цæмæй коронавирусы инфекцийы ног хуыз ма парахат кæна. Уыцы сæйраг домæнтæ сфидар кодта Фæлхасгæнджытæм цæстдарды управлени. Хæдтулгæты шофыртæ æнæмæнг хъуамæ пайда кæной маскæтæ æмæ æрмкъухтæй, машинæты мидæг та æппынæдзух цæуа дезинфекци. Бæлцæттæм дæр ахæм домæн - маскæты цæуын. Æппæт уагæвæрдтæ куы æххæст кæной, уæд æхсæнадон транспорт муниципалон скондты æмæ се*хсæн фæстæмæ æххæстæй кусын райдайдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv