17 милуан сомæй фылдæр Цæгат Ирыстон райсдзæн коронавирусы рынчынты хостæй лӕвар ифтонг кæнынæн

17 милуан сомæй фылдæр Цæгат Ирыстон райсдзæн коронавирусы рынчынты хостæй лӕвар ифтонг кæнынæн. Уый тыххæй уынаффæ бафыста Уæрæсейы хицауады сæрдар Михаил Мишустин. Бæлвырддæр дзургæйæ, ныхас цæуы пациенттæй медицинон æххуыс амбулаторон хуызы чи исы, ома, хæдзары хи чи дзæбæх кæны, уыдоныл. Низ фæсæттынæн æмæ профилактикон мадзæлттæн дохтыртæ рынчынтæн рафыссынц хъæугæ хостæ. Адæм сæ райсынц лæвар. Фарон ацы хъуыддагæн Уæрæсейы хицауады фæстауæрцгæнæн фондæй бахардз кодтой 8 млрд сомы. Хицауады сæрдар нæ бæстæйы æнæниздзинад хъахъхъæныны министр Михаил Мурашкойæн бабар кодта, цæмæй рынчынтæ хъæугæ хостæ афойнадыл исой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv