Дзæуджыхъæуы цалцæг кæнынц фистæгвæндæгтæ

Дзæуджыхъæуы цалцæг кæнынц фистæгвæндæгтæ. Горæты администрацийы сæргълæууæг Милдзыхты Вячеслав бабар кодта фыццаджыдæр социалон нысаниуæгимæ объекттæ сцалцæг кæнын. Ныртæккæ куыстытæ цæуынц 48-æм скъолайы 'рдыгæй æмæ Московская уынджы. Фæндаг рамраст кодтой, сæвæрдтой бордæртæ, ныр та тауынц асфальт. Хæстæгдæр рæстæг та куыстытæ райдайдзысты Владикавказская, Интернациональная, Виноградная æмæ Кутузовы номыл уынгты. Æдæппæтæй 12 объекты. Сæххæст сæ кæндзысты 1-æм сентябрьмæ.