Скъоладзаутæ бабæрæг кодтой мемориалон комплекс «Барбашовы фæз»

Скъоладзауты æппæтуæрæсеон змæлды архайджытæ абон бабæрæг кодтой æфсæддон-историон комплекс «Барбашовы фæз». Уыдысты дзы районты æмæ Дзæуджыхъæуы скъолаты ахуырдзаутæ, семæ змæлды разамонæг Мæргъиты Жаннæ, афтæмæй. Сывæллæттæн сарæзтой цымыдисаг экскурси. Радзырдтой сын Советон Цæдисы хъæбатыр Петр Барбашовы тыххæй. Базонгæ сæ кодтой Фыдыбæстæйы Стыр Хæсты архайджытимæ, цæгатирыстойнаг хъæбатырты историимæ. Скъоладзаутæн ма равдыстой дзот дæр. Музейы ис номдзыд сыбираг цæрæджы сгуыхтдзинад æвдисæг инсталляци, хæсты рæстæджы дзаумæттæ æмæ хæцæнгæрзтæ. Сывæллæттæй алчидæр сæрмагонд интерактивон терминалы руаджы агуырдта йæ хæстæджыты тыххæй инфмораци. Уымæй уæлдай ма, скъоладзаутæн равдыстой гом арвы бын æфсæддон техникæйы музей. Федтой ма патриотон киноныв дæр, бацæттæ сын æй кодтой мидхъуыддæгты министрады кусджытæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv