Цæгат Ирыстоны райдыдта æрыгон политологты форум «Дигория»

Уæрæсейы æрыгон политологты форум Цæгат Ирыстоны арæзт æрцыд дыккаг хатт. Æрæмбырд сты 100 адæймагæй фылдæр. 300 дзы архайынц дистанцион хуызы. Форумы программæ у мидисджын. Ис дзы наукон-иртасæн, коммуникацион æмæ технологон здæхтытæ. Æрыгон политологтæ куыд фæнысан кодтой, афтæмæй ацы форум ахсджиаг у, иртасæн куыст чи кæны, уыдонæн се ’ппæтæн дæр. Фыццаг бон куыд ацыд, уый тыххæй бæлвырддæр нæ дарддæры æрмæджы. Форумы фыццаг бон. Ӕрыгон политологтæ сæ рæстæг дзæгъæлы нæ сафынц. Райсомæй нырмæ лекцитæ, тренингтæ æмæ дысныйад æвдисæн ахуыртæ. Уæрæсейы регионтæй ардæм сæ фæндаг ракодтой 100 адæймагæй фылдæр. Сæ иу Богдан ТузОвский. Уазæгуаты æрцыд Владивостокæй. Фæцыд 6 мин километры, цæмæй хæххон Дыгуры ног зонындзинæдтæ базона Ахæм хъуыдыимæ форумы архайы Хæххон-аграрон университеты студент Борæты Аслан дæр. Дæсныйад æвдисæн ахуыртæй уæлдай мæ адæмы рæгъмæ хæссы йæ проект. Форумы архайджытæ политикон æмæ зонадон фарстатыл быцæуныхæстæ кæнынц. Алкæмæ дæр йæхи цæстæнгас ис. Уæрæсейы дæсны политологтæ дæр ам сты. Се*хсæн Мæскуыйы паддзахадон университеты политологийы факультеты ахуыргæнджытæ. Иуймæйаг хæс ныл æвæрд ис - фидæны политологийы дæсныйад райсын кæй фæнды æмæ фыццаг къахдзæфтæ чи кæны, уыдонæн æмбæлгæ уавæртæ саразын. Уыимæ ма, æгас дунейы цы ахсджиаг фарстатæ ис, уыдонæн дзуæппытæ ссарын. Æрыгон политологты форум цæуы даккаг хатт. Йæ программæ сси бирæвæрсыг. Скодтой ма дзы уæлæмхасæн ахуыртæ политологтæн, аналитиктæн, хабараразджытæн æмæ фæлгæсджытæн. Архайджыты нымæц дæр фылдæр кæны. Форумы фæлгæты ма сараздзысты гранттæ рамбулыны конкурс дæр - снысан ӕй кодта Фæсивæды хъуыддæгты фæдыл федералон агентад. Конкурсы уæлахиздзаутæн фадат ис милуан æмæ рдæг сомы онг рамбулын. Уыдон пайда уыдзысты, социалон нысаниуæг кæмæн ис, ахæм проекттæ царды сфæлдисын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv