Цъæйы ног фелсырон-акушерон пункт кусы афæдзы дæргъы

Гæнæнтæ фæуæрæхдæр сты. Фарон Цъæйы байгом ног фелсырон-медицинон пункт. Раздæр дохтыртæ сæ куыст кодтой административон бæстыхайы. Ныр ног уавæрты сæ бон у æххуыс бахъуаджы рӕстӕг бакæнын алкæмæндæр. Цъæйы, бынæттон цæрджытæй уæлдай ма, кæддæриддæр вæййы бирæ туристтæ. Куыд ифтонггонд у ног медицинон пункт æмæ дзы разы сты дохтыртæ æви нæ, уый радзурдзæн нæ уацхæссæг. Цъæйы фелсырон-акушерон пункт сарæзтой афæдзы размæ. Раздæр медицинон кусджытæн сæхи бæстыхай уæвгæ дæр нæ уыд. Адæмæн æххуыс кодтой администрацийы бæстыхайы. Ахæм уавæрты кусын æнцон нæ уыд. Бынæттон цæрджытæй Цъæйы сты 20 адæймаджы. Туристтæ та дзы æппынæдзух вæййы бирæ. Сæрдыгон – альпинисттæ, зымæджы та – къахдзоныгъджынтæ. Ныр, медицинон пункты æмбæлгæ æххуыс бакæнынæн ис алцыдæр, куыд бынæттон цæрджытæн, афтæ уазджытæн дæр. Фелсырон-акушерон пункты кусы Гогаты Луизæ, фæлтæрдджын дохтыр. Адæмæн æххуыс кæны 50 азæй фылдæр. 1972 азы каст фæци Дзæуджыхъæуы медицинон училищæ. Бирæ азты дæргъы куыста дзæбæхгæнæн профилкаторийы Буроны. Уый фæстæ – Нузалы рынчындоны. Специалисты Цъæйы хорз чи нæ зоны, ахæм нæй. Хостæ Цъæймæ Мызуры амбулаторийæ æрбаласынц. Адæймагæн йæ буары тæвд бæрзонд куы уа, уæд æм æрцæуынц хихъахъхъæнæн уæлæдарæсы. Фелсырон-акушерон пункт ифтонггонд у санитарон-эпидемиологон домæнтæм гæсгæ. Лампæтæ, кусæнгæрзтæ, дезинфекци кæнынæн аппарат. Рынчынтæм Лиузæ æркæсы хицæн кабинеты. Процедурæтæн уат, афтек, медцинон кусджытæн хицæн уат. Пункт куыд ифтонггонд у, уымæй Луизæ у разы. Фæлæ йæм иу фиппаинаг ис. Банывыл кæнын ма хъæуы асинтæ æмæ бацæуæн. Нæй дзы хæцæнтæ.  Зымæджы уый у тæссаг. Æрæджы фелсырон-акушерон пункт бабæрæг кодта районы хицауад. Ныфс бавæрдтой, хæстæгдæр рæстæг фарстайыл кæй бакусдзысты, уымæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv