Уæрæсейы бастдзинады æфсæдтæ бæрæг кæнынц сæ равзæрды бон

Уæрæсейы бастдзинады æфсæдтæ бæрæг кæнынц сæ равзæрды бон. Æрвылазон бæрæгбон снысан кодтой 2006-æм азы Уæрæсейы президенты бардзырдмæ гæсгæ. 20-æм октябры 1919-æм азы Советон Республикæйы быдырон Штабы уынаффæмæ гæсгæ фæзынд бастдзинады управлени. Ӕфсæддон хæс цæмæй æххæстгонд æрцæуа, уый, сӕйрагдӕр, аразгæ у бастдзинады æфсады архайдæй. Уыдонӕн сӕ куыст бæрзонд æмвæзадыл куы нæ уа, уæд сæрмагонд операцийæн дæр саххӕстгӕнӕн нæй. Уæрæсейы бастдзинады æфсæдтæ кусынц гæрзифтонг хъаруты æртæ хуызы къабазы дæр - ӕфсады, денджызон флоты æмæ æфсæддон-уæлдæфон тыхты. 101 азмæ бастдзинады гæнæнтӕ æмæ мадзæлттæ иу æмæ дыууæ хатты ивд не 'рцыдысты. Ныр бастдзинады æмæ æфсæддон разамынд дæттыны системæтæ сты тынг бæрзонд æмвæзадыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv