Фæстаг суткæмæ коронавирусæй Цæгат Ирыстоны фæрынчын 21 адæймаджы

Цæгат Ирыстоны Æнæниздзинад хъахъхъæныны министрад фехъусын кодта коронавирусы фæстаг бæрæггæнæнтæ. Республикæйы стационарты ныртæккæ ис 428 адæймаджы. Коронавирус дзы рабæрæг 189 пациентмæ. Республикон клиникон рынчындоны ис 30 адæймаджы, иу реанимацийы. Тагъд æххуысы клиникон рычындоны 365 адæймаджы, ковид дзы рабæрæг 174-мæ, улæфæн аппаратты бын сты 10-æй. Сывæллæтты Республикон Клиникон Рынчындоны ис 18 сывæллоны æмæ хистæр кары дыууæ адæймаджы. Коронавирус дзы рабæрæг кодтой 6 сывæллонмæ æмæ 1 хистæр адæймагмæ. Горæтгæрон районы сæйраг рынчындоны ныртæккæ ис 13 адæймаджы, ног низ дзы рабæрæг кодтой 8 пациентмæ. Æдæппæтæй Цæгат Ирыстоны коронавирус рабæрæг 17 мин 322 адæймагмæ, уыдонæй сдзæбæх сты 16 мин 877-æй. Фæлхасгæнджытæм цæстдарды управленийы хъусынгæнинагмæ гæсгæ, ацы суткæмæ коронавирус рабæрæг кодтой ноджы 21 адæймагмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv