Уæрæсейы хъахъхъæнынады министрады мобилон госпиталы æххуыс райстой Хуссар Ирыстоны мингай цæрæджы

Хуссар Ирыстоны пациенттæ мингæйттæй исынц æххуыс Уæрæсейы хъахъхъæнынады министрады мобилон госпиталы. Дохтыртæ Цхинвалмæ сæмбæлдысты 27-æм октябры республикæйы хицауады курдиатмæ гæсгæ. Уæдæй нырмæ баххуыс кодтой мин-мин бынæттон цæрæгæн. Уый тыххæй хъусын кæны æфсæддон ведомство. Ныртæккæ госпиталы сæхи дзæбæх кæнынц 50 адæймаджы. Хъахъхъæнынады министрады куыд фæнысан кодтой, афтæмæй ацы медицинон кусæндон ифтонггонд у улæфæн æмæ рентгены апараттæй. Ис дзы хицæн лаборатори. Мобилон бирæвæрсыг госпиталы ис 150 бынаты. Бафтаудзыстæм ма уый, æмæ Хуссар Ирыстоны ивгъуыд суткæмæ коронавирус рабæрæг 36 адæймагмæ. Æдæппæтæй сарæзтой 151 иртæсты. Уый тыххæй хъусын кæны Хуссар Ирыстоны фæлхасгæнджытæм цæстдарды управленийы разамонæг Гаглойты Аннæ. Куыд бафиппайдта, афтæмæй сентябрæй нырмæ коронавирусæй фæрынчын сты 1612 адæймаджы. 321 дзы сдзæбæх сты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv