Æппæтуæрæсеон адæмон фронты уæнгтæ баххуыс кодтой Хъæдгæроны бирæсывæллонджын бинонтæн

Зын рæстæг баххуыс кæнын. Æппæтуæрæсеон адæмон фронты уæнгтæ бабæрæг кодтой Æрыдоны районы Балаты бинонты. Мæйы размæ бирæсывæллонджын бинонтæн Хъæдгæроны басыгъд сæ хæдзар. Сæ дзауматы фылдæр хай фесæфтысты арты. Активисттæ сæм фæкастысты хæдзары дзаумæттæ æмæ уæлæдарæсæй. Балаты бинонтæ се 'взæрдæр фыны дæр никуы федтой, ахæм нывтæ. Æмбисæхсæв сæ хæдзары æрцыд зынгсирвæзт. Æрæджды цы цæрæнбынат сарæзтой, уый арты æвзæгтæ аныхъуырдтой. Æртæ уатæй ма æрмæст баззад сыгъд цæджындзтæ. Хæдзары дзауматæ милайы бын фесты. Фæлæ Балаты бинонтæ фыдбылызы иунæгæй нæ баззадысты. Республикæйы цæрджытæй бирæты бафæндыд бинонтæн баххуыс кæнын. Абон дæр ма бинонтæн æххуыс кæнынц зæрдæхæлар адæм. Æмæ æрмæст æхцайы кой нæ цæуы, бинонтæн ныфсытæ куы авæрынц, уæддæр сын æхсызгон вæййы. Уæдæ сæ æнæ æрхъуыдыйæ нæ ныууагътой æппæтуæрæсеон адæмон фронты уæнгтæ дæр. Балаты бинонтæн æппæтуæрæсеон адæмон фронты регионалон штабы минæвæрттæ раздæр дæр æххуыс кодтой. Сæ цыппар сывæллоны сын скъоламæ бацæттæ кодтой. Дарддæр дæр сæ иунæгæй нæ ныууадзысты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv