Аэропорт «Дзæуджыхъæу»-ы фæзындзæн ног аэровокзал

Аэропорт «Дзæуджыхъæу»-ы фæзындзæн ног аэровокзал мидæггаг линитæн. Аэровокзал уыдзæн дыууæуæладзыгон, йæ бæрзæнд - 20 метры, йæ фæзуат та - 5 мин квадратон метры бæрц. Фыццаг уæладзыджы уыдзысты дуканитæ, хæрæндæттæ, медицинон пункт, хæссинæгтæ æмæ хызынтæ кæм радæттынц, ахæм бынæттæ. Дыккаг уæладзыгмæ та адæм цæудзысты эскалаторты фæрцы. Æрбынат дзы кæндзæн, паспорт æмæ æндæр хъæугæ æвдисæндартæм цæст кæм дардзысты, ахæм уат, мад æмæ сывæллоны агъуыст æмæ æндæ хъæугæ лæггæдтæ. Уымæй уæлдай ма аэропорты фæзуаты фæзындзæн хи электростанцæ, трансформаторон дæлстанцæ. Уыдзæн дзы 224 хæдтулгæйæн æрлæууæн бынæттæ дæр. Уыдонæй 22 машинæйы уыдзысты, йе ’нæниздзинад хъыгдæрд кæмæн у, уыцы адæмæн. Бафтаудзыстæм ма уый, æмæ аэропорты мидæггаг уæлдæфон линитæй афæдзмæ спайда кæнынц 550 мин бæлццоны. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv